Gratë demokrate kanë zgjedhur sot me rastin e 8 marsit të protestojnë me gratë tek “Unaza e Re”, me moton “Shtëpia jonë – liria jonë”.
Kryetarja e Forumit të Gruas Demokrate Albana Vokshi, vlerësoi qëndresën 4 mujore të protestës së grave te “Unazës Re”.
“Ju qëndruat pavarësisht presionit politik arrestimeve dhe ju jeni kthyer në simbol të grave shqiptare. Në simbolin e rezistencës ndaj kësaj qeverie. Sot është 8 marsi dhe ky është një tjetër 8 mars i brishtë dhe kemi një mijë arsye për të protestuar, por ne vendosëm të jemi këtë me ju se ju na mësuat se si mbrohet shtëpia. Sot protestojmë për dhunën ndaj grave, për vjedhjen e votave por ne do ta kthejmë në një kauzë të vetme, të mbrojmë shtëpinë tonë të përbashkët Shqipërinë. Sepse kur gratë reagojnë, reagon e gjithë Shqipëria. Dhe kur gratë duan ndryshimin, ai vjen menjëherë”, tha ajo.
Po ashtu, Vokshi u bëri thirrje grave t’i bashkohen protestës së opozitës para kryeministrisë.
“Me 16 mars ne duhet të jemi në orën 11 para kryeministrisë që të protestojmë ndaj një kryeministri që i urre gratë. Ne jemi sot këtu për të rezistuar dhe i thanë ndal modelit të dhunës. Me 16 mars të gjitha ju gra që u helmuat me gazin helmues që ai lëshoi ndaj protestuesve duhet të jeni atje”, tha ajo.
/a.rada
