Kryetarja e Lidhjes Demokratike të Gruas së Shqipërisë, deputetja Albana Vokshi, u takua me drejtueset e LDG- se Lezhë, Mirditë dhe Kurbin, nga ku bëri thirrje për pjesëmarrje masive në protestën e 18 shkurtit në Tiranë për të rrëzuar qeverinë dhe për të cuar Shqipërinë drejt zgjedhjeve të lira dhe të ndershme.
Në fjalën e saj, Vokshi u shpreh se “Nga Tirana nis një lëvizje popullore pa kthim, e cila do të përfundojë vetëm me largimin e kësaj qeverie të korruptuar, antisociale , të lidhur me krimin e organizuar. Lezha dhe e gjithë Shqipëria duhet të bëhen barrikade ndaj kesaj qeverie që varfëroi gjysmën e popullsisë. Afro 30 % e popullësisë emigroi prej varfërisë dhe për arsye sigurie. Ndaj të ngrihemi të gjithë bashke në 18 shkurt në portestën e pandalshme”.
Në takimin me strukturat e Lidhjes Demokratike të Gruas të degëve Lezhë, Mirditë dhe Kurbin mori pjesë edhe deputetja e Mirditës, Albina Deda, e cila theksoi gjëndjen e vështirë ekonomike të mijëra familjeve në qarkun e Lezhës. /a.m.
