Duhej të ishte udhëtimi më emocionant të çoje vogëlushen Jasmine 4 muajshe, të njihte të afërmit e saj kinezë. Por vogëlushja nuk mbërriti kurrë në atë takim. Të djelën vdiq në një avion të kompanisë Cathay Pacific Airways i nisur nga Londra drejt Hong Kongut.
Asgjë nuk mund të bëhej për ta mbajtur në jetë vogëlushen, edhe pse avioni bëri një ulje të detyruar në aeroportin e Almatyt në Kazakistan.
Nëna e Jasmine, një 32-vjeçare franceze dhe babai, një 36-vjeçar franko-kinez kishin vendosur ta çonin foshnjën në Kinë për ta njohur me të afërmit e gruas, por nuk arritën kurrë.
Nuk është hera e parë që në një avion ndodh një tragjedi e tillë. Dy vite më parë në një Boeing 777-300 të Cathay Pacific vdiq një fëmijë i lindur para kohe në bordin e avionit gjatë udhëtimit.
