Një ngjarje e rëndë në Pogradec duket se është zbardhur nga policia rajonale. Mësohet se një shtetas ka rënë në pranga dhe një tjetër është shpallur në kërkim pasi dyshohen si autorë të grabitjes së një zyre noteriale.
Specialistët e Seksionit për Krimet në Komisariatin e Policisë Pogradec, bënë kapjen dhe arrestimin në flagrancë të shtetasit E.S, 14 vjeç, banues në Pogradec, si dhe bënë shpalljen në kërkim të shtetasit D.SH, 17 vjeç, banues në Pogradec.
Pasi më datë 02.01.2017, në lagjen nr 1 në Pogradec, dyshohet se këta shtetas në bashkëpunim mes tyre, kanë vjedhur një shumë parash, në një zyrë noteriale.
Po punohet për kapjen e shtetasit D.Sh, të shpallur në kërkim.
Materialet i kaluan Prokurorisë të Rrethit Gjyqësor Pogradec për veprën penale : “Vjedhja e kryer në bashkëpunim” parashikuar nga nenet 134 e 25 të Kodit Penal.
