36-vjeçari me iniciale A.B. është vënë në pranga pasi është kapur në flagrancë teksa tentonte të vidhte në një magazinë në fshatin Labinot të Elbasanit.
Policia njofton se nga hetimet ka rezultuar se 36-vjeçari është gjithashtu autor i vjedhjes të një sendi me vlerë në një objekt kulti në qytetin e Elbasanit. Kjo vjedhje dyshohet të jetë kryer më datë 24 Dhjetor të vitit 2022, por është denoncuar në Policinë e Elbasanit më datë 4 Gusht të 2023-shit nga një përfaqësues i këtij objekt kulti.
Vijon puna për zbardhjen e vjedhjeve të tjera që mund të ketë kryer 36-vjeçari.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
