Dy fëmijët e mitur në qytetin e Vlorës nuk janë përdhunuar nga shokët e tyre. Ekspertiza mjekoligjore ka rezultuar se fëmijët nuk janë përdhunuar, por ngjarja ka mbetur në tentativë.
Mesditën e sotme, mediat raportuan se dy djem kishin abuzuar me dy fëmijë, ndërsa i kishin mashtruar gjatë lojës së përbashkët me ta. Bëhet fjalë për një 14 vjeçar dhe tjetri 11 vjeçar, ndërsa pre e tyre ranë dy djem të moshës 6-vjeçare.
Ngjarja ka ndodhur ditën e shtunë, në lagjen “15 tetori”, në periferi të qytetit të Vlorës, kur dy të mitur, njëri 14 vjeç dhe shoku i tij 11 vjeç, siç lajmëron Policia, kanë kryer marrëdhënie homoseksuale me dy fëmijë 6-vjeçarë, raporton ‘Panorama”. Por Policia i eshte referuar kallezimit qe i ka ardhur ne Komisariat, teksa aktekspertimi sot ka treguar se femijet nuk ishin perdhunuar, pra ngjarja ka mbetur ne tentative.
Fëmijët ishin duke luajtur me njëri-tjetrin në ambientet e oborrit të shkollës të kësaj lagjeje, pasi ishte ditë pushimi. Pasi kanë luajtur në oborrin e shkollës ka qenë djali më i madh në moshë, 14-vjeçari me iniciale F.N., i cili sipas Policise, ka kapur me dhunë dy fëmijët 6- vjeçarë që ndodheshin pranë tyre.
Në ndihmë të tij ka shkuar edhe shoku më i vogël, 11-vjeçari me inicialet V.R. Pasi kanë ushtruar dhunë fizike ndaj të vegjëlve dy djemtë më të rritur janë larguar me vrap për në lagjen e tyre. Ndërkohë, dy fëmijët kanë shkuar në shtëpi duke qarë dhe kanë arritur të tregojnë se çfarë u ka ngjarë.
Të alarmuar prindërit kanë kuptuar se fëmijët ishin bërë pre e dhunuesve dhe menjëherë kanë kërkuar ndihmën e Policisë së Vlorës. Nga ana e saj, Policia e Vlorës nuk e ka pasur të vështirë gjetjen e dy shokëve, të 14-vjeçarit dhe 11- vjeçarit, dhe më pas i ka shoqëruar në ambientet e komisariatit të Vlorës.
Pasi i ka marrë në pyetje ka bërë arrestimin e 14-vjeçarit F.N, ndërsa për 11-vjeçarin, çështja e tij i është lënë Gjykatës së Vlorës për të mitur që të vendosë për të. Mësohet se dy djemtë, janë banorë të qytetit të Vlorës dhe jetojnë në lagjen “Partizani”.
Burime pranë Policisë bëjnë me dije se 14- vjeçari dhe 11-vjeçari shkonin shpesh në lagjen “15 tetori”, aty ku banonin edhe dy djemtë 6-vjeçarë. Nga të dhënat e deritanishme nuk rezulton që ata të kenë kryer veprime të ngjashme të tjera me fëmijë të tjerë.
Këtë fakt e konfirmon policia, bazuar në mungesën e denoncimeve të mëparshme.
Në njoftimin e saj zyrtar, Policia e Vlorës deklaroi se “Më datë 03.12.2016 u arrestua në flagrancë shtetasi F.N., vjeç 14, banues në Vlorë, pasi dyshohet se në lagjen ‘15 Tetori’, në bashkëpunim me shtetasin V.R., vjeç 11, banues në Vlorë, kanë kryer marrëdhënie homoseksuale me dhunë me dy shtetas të mitur, 6 vjeç, banues në Vlorë”.
