Një i ri në Vlorë është vënë në prangat e policisë, i kapur me armë në brez.
Eduard Xhezo, 31 vjeç, banues në Vlorë, u arrestua mbrëmjen e djeshme.
Policia ka bërë kapjen në flagrancë dhe arrestimin e tij në lagjen “24 Maji”, pasi gjatë kontrollit fizik që i është bërë ndaj tij, efektivët e policisë i kanë gjetur të fshehur në trup një armë zjarri të llojit Pistoletë-Çeke.
Arma ishte e mbushur me një krehër me 15 fishekë të kalibrit 9 mm, e cila u sekuestrua në cilësinë e provës materiale.
Ndaj të riut vijojnë ende hetimet, ndërkohë që materialet i’u referuan Prokurorisë së Vlorës për veprën penale “Armëmbajtje pa leje”/a.k
