Kryeministri Edi Rama ka prezantuar një projekt të ri për Vlorën, duke sjellë një tjetër arsye për të vizituar këtë qytet në çdo stinë të vitit.
Në qendrën historike të saj do të ndërtohet muzeu i Shpëtimit të Hebrenjve.
Lajmi është bërë i ditur nga kreu i qeverisë Edi Rama.
Ai ka njoftuar se do të hapet rruga për një konkurs ndërkombëtar për projektin.
“Mirëmëngjes dhe me lajmin se së shpejti në zonën e rilindur historike të Vlorës, do të kemi edhe Muzeun e Shpëtimit të Hebrenjve, ju uroj një të dielë të bukur”, shkruan Rama.
Mësohet se ky do të jetë një muze bashkëkohor, me dëshmi, zëra e imazhe që dëshmon mikpritjen e shqiptarëve, pavarësisht vështirësive me të cilët duhet të përballeshin.(TemA)
