Një person i dënuar me 5 vite e 10 muaj burg nga një gjykatë në Itali, për trafikim të të miturave, është arrestuar sot në qytetin e Vlorës. Sipas njoftimit të shpërndarë për mediat, thuhet se në pranga është vënë Aleksander Hodaj (Hoxhaj), 41 vjeç, banues në Vlorë.
Njoftimi i policisë:
Vlorë
Policia Vlorë ka kapur një shtetas të shpallur në kërkim ndërkombëtar! Specialistët e Seksionit kundër Trafiqeve në Drejtorinë Vendore të Policisë Vlorë kanë kapur e ndaluar shtetasin e shpallur në kërkim :
Aleksander Hodaj (Hoxhaj), 41 vjeç, banues në Vlorë. Shtetasi i lartëpërmendur rezulton shtetas i shpallur në kërkim nga Interpol Roma sepse Gjykata e Apelit Catanzaro e ka dënuar me 5 vite e 10 muaj burg për veprat penale “Organizat kriminale me qëllim trafikimin e qenieve njerzore, shfrytëzim për prostitucion”, dhe “Emigracion i paligjshëm”, të parashikuara nga nenet përkatëse të Kodit Penal Italian.
Ky shtetas nga periudha kohore e muajit Janar i vitit 2000 deri në muajin Qershor 2005, në qytetet Corigliano, Calabro, Rossano, Spesano në Itali, ka qënë pjesë e një organizate kriminale ku ka rekrutuar vajza te mitura dhe me pas i ka trafikuar në shtetin Italian nën ushtrimin e dhunës duke i detyruar të ushtronin veprimtarinë e kundërligjshme të prostitucionit. Materialet hetimore iu referuan Prokurorisë së Rrethit Gjyqësor Vlorë për veprime të mëtejshme.
Nuk e mendonin qe do kishin vajza vet harro in qe kishin motra si ky dhe i vellai qe u kap para 11muajsh