Punonjësit ngrenë shqetësimin e futjes në linja paralele me ta të subjetit privat, çfarë ka sjellë problematika të mëdha të lidhura me oraret që nuk zbatohen, ndërsa pranojnë se futja e një tjetër operatori privat është terësisht jashtë ligjit.
Duke ngritur problemin e autobusëve dhe gjendjes së tyre të amortizuar, punonjësit e shërbimi urban shtetëror kanë fajësuar drejtuesin e e bashkisë, që sipas tyre mbetet i paaftë të përmirësojë punën dhe të mos lejojë futjen e një tjetër linje paralele.
‘’Pretendimi ynë është se po futet në linjë paralele, e cila është e ndaluar me ligj. Ne jemi në gjendje t’i përgjigjemi vetë linjes. Kemi kërkuar pastrim total të linjës. Kryetari i bashkisë na e ka premtuar, por drejtori i ndërmarrjes nuk punon, gjë e cila na ka futur në dyshime të thella. Nëse nuk pastrohet kjo, do përshkallëzojmë protestën. Gjendjen e autobusëve ia kemi bërë me dije kryetarit të bashkisë, por nuk e di pse nuk po ndërveprohet’’,-është shprehur një punonjës i shërbimit urban.
Punonjësit e parkut urban publik në Vlorë kanë konfirmuar se kanë marrë një premtim për ndryshimin e situatës nga ana e vetë drejtuesve të bashkisë, ndërkohë që nëse nuk do të ndryshojë, referuar linjave paralele dhe përmiresimit te kushteve te autobuseve urban, protesta e tyre do te vijojë të përshkallzohet.
