Një konflikt midis fqinjëve ka ndodhur në një fshat të Vlorës gjatë mbrëmjes të së hënës me pasojë vdekjen e njërit prej tyre si pasojë e plagës së marrë nga një armë e ftohtë.
Rreth orës 20:30, në fshatin Ploç, ka ndodhur një konflik midis dy shtetasve, fqinjë me njëri-tjetrin.
Policia është afruar menjëherë në vendin e ngjarjes dhe ka konstatuar se pas një konflikti për motive të dobëta, dyshohet se shtetasi Mystehak Selimaj, 54 vjeç, ka goditur me mjet prerës “thikë” shtetasin I.K., rreth 57 vjeç, i cili është dërguar në spitalin rajonal në gjendje të rëndë shëndetësore dhe ka ndërruar jetë disa minuta më vonë në këto ambiente.
Policia ka bërë kapjen në banesë dhe arrestimin në flagrancë të shtetasit Mystehak Selimi, si autorin e dyshuar në lidhje me ngjarjen.
Vijojnë hetimet proceduriale për zbardhjen e plotë të ngjarjes./a.m.
