Sekuestrohen 26 kg kanabis sattiva, ndërsa në pranga ka përfunduar një 28-vjeçar. Burime zyrtare nga Policia e Vlorës bënë me dije se bëhet fjalë për Enea Nanushin, banues në fshatin Bunavi. Ndërkohë, në gjendje të lirë po hetohen 2 të tjerë me T.B., 41 vjeçe dhe G.N., 44 vjeçe, të dy banues në fshatin Bunavi për veprën penale “Moskallëzim krimi”.
Në bazë të informacioneve të marra në rrugë operative, Policia e Vlorës, gjatë kontrollit të ushtruar në fshatin Bunavi, konkretisht në banesën e Enea Nanushi, ka konstatuar një sasi me lëndë narkotike të fshehur në këtë banesë. Nga peshimi i lëndës narkotike, rezultoi një sasi me peshë totale prej 26 kg e 400 gr Cannabis Sattiva, vendosur nëpër thasë me thurje dhe brenda një bidoni plastik, e cila u sekuestrua në cilësinë e provës materiale.
BW/d.i.
