Policia e Vlorës ka ndaluar një shtetas të shpallur në kërkim, për grabitjen e një banke në muajin Korrik të këtij viti.
Ndalohet shtetasi:
- Lorenc Gjini, 26 vjeç, banues në Vlorë.
Seksioni Kundër Krimeve ndaj Pronës, gjatë hetimeve intensive të kryera në lidhje me vjedhjen e Bankës së Nivelit të Dytë (BKT) ndodhur më datë 11.07.2016, kanë bërë të mundur ndalimin e këtij shtetasi, i cili dyshohet të jetë një nga bashkëpunëtorët e dyshuar në lidhje me kryerjen e kësaj vjedhjeje.
Policia ka bërë ndalimin e Lorenc Gjinit për veprën penale “Vjedhja e bankave dhe arkave të kursimit, kryer me dhunë”.
Deri tani, Policia e Vlorës ka arrestuar dy nga autorët e dyshuar në lidhje me këtë ngjarje.
Vijojnë hetimet për zbulimin dhe kapjen e autorëve të tjerë bashkëpunëtorë./a.m.
