Një aksident ka ndodhur pasditen e sotme në aksin rrugor Vlorë-Babicë.
Korrespondenti i Panorama.al bën me dije se një automjet është përplasur me murin dhe shoferi ka mbetur për pak kohë i bllokuar në makinë.
U desh ndihma e forcave zjarrfikëse që të nxirrej nga makina drejtuesi i mjetit. 21-vjeçari me inicialet E.H. është transportuar me urgjencë në spital për ndihmë mjekësore dhe fatmirësisht është jashtë rrezikut për jetën.
Nuk dihen ende rrethanat se si ka ndodhur aksidenti.
NJOFTIMI
Më datë 09.08.2021, rreth orës 19:30, në aksin rrugor Vlorë-Babicë, shtetasi E. H., 21 vjeç, dyshohet se ka humbur kontrollin e mjetit dhe është përplasur me një mur. Si pasojë është dëmtuar shtetasi E. H., i cili ndodhet në spital, jashtë rrezikut për jetën.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
