Policia e Vlorës zbuloi dhe asgjësoi 19 parcela me 3627 bimë narkotike kanabis sativa.
Burime zyrtare të policisë lokale bënë të ditur për ATSH-në se bimët narkotike u zbuluan në fshatrat Mazhar dhe Romës respektivisht 25 dhe 35 km në lindje të Vlorës. Sipas policisë, kanabisi ishte kultivuar në toka në mjedise pyjore dhe pa pronarë, çka e bështirëson punën për identifikimin dhe kapjen e autorëve.
Policia lokale i ka intensifikuar aksionet antikanabis. Gjatë 3 muajve të fundit janë zbuluar dhe asgjësuar rreth 50 mijë bimë, ndërkohë që janë kapur apo shpallur në kërkim 18 persona.
