Ambasadorja e BE-së në vendin tonë, Romana Vlahutin, ka përsëritur mesazhin se vendet e Ballkanit Perëndimor e kanë të ardhmen në familjen europiane.
Sipas ambasadores Vlahutin, kjo duhet të bëjë qe aktorët politikë në rajon, të marrin vendimet e duhura për të ardhmen e qytetarëve të tyre.
“Mogherini ishte e qartë kur tha se BE nuk ka për të qenë i plotë pa Ballkanin Perëndimor. Sigurojmë angazhimin tonë për të përfshirë Ballkanin perëndimor në BE. Integrimi në BE është një proces që ka në thelb qytetarët. Çdo gjë që ne si BE bëjmë në Shqipëri e bëjmë për qytetarët. Do të duhet vendosmëri për të arritur në fund të procesit të integrimit. Do të duhet kurajë për të marrë vendime të rëndësishme.” tha Vlahutin
Deklaratat e saj u bënë gjatë inaugurimit të qendrës së informimit të BE-së në Tiranë, ku ishte i pranishëm edhe ambasadori italian Alberto Cutillo.
