“Bashkimi Europian është i vendosur në mbështetjen e procesit të zbatimit të reformës në drejtësi në Shqipëri”, deklaroi sot Kryetarja e Delegacionit të BE-së në Tiranë, ambasadorja Romana Vlahutin, gjatë prezantimit të sondazhit “Besimi në qeverisje 2016”.
Vlahutin në fjalën e saj tha se hapi i parë në zbatimin e kësaj reforme ka nisur ditën e djeshme me Operacionin Ndërkombëtar të Monitorimit.
“2 vite më parë kishte shumë pak besim tek gjyqësori. Kemi 2 vite që luftojmë për të rritur besimin e qytetarëve te drejtësia. Hapi i parë i reformës në drejtësi, nisi dje me ONM. Qytetarët shqiptarë kanë besim tek institucionet e BE. Dje kanë qenë më shumë se 100 aplikantë për ONM. Kundërshti ka patur vetëm nga ato që kanë interesa personale”, tha ambasadorja Vlahutin. /b.d
