Presidenti i Rusisë, Vladimir Putin ka deklaruar “mobilizim të pjesshëm” të Rusisë. Putin bëri një deklaratë të tillë gjatë një fjalimi drejtuar vendit në orët e para të mëngjesit të së mërkurës.
“Po flasim për mobilizim të pjesshëm, vetëm qytetarët që janë aktualisht revervistë do t’i nënshtrohen rekrutimit dhe mbi të gjitha ata që kanë shërbyer në forcat e armatosura dhe kanë një specialitet të caktuar ushtarak dhe përvojë përkatëse. Në vend të negociatave, qeveria ukrainase ka forcuar ushtrinë e saj me trupa të trajnuara nga NATO, shumë prej të cilëve janë ekstremistë neonazistë”, u shpreh Putin.
Vladimir Putin tha se në këtë mobilizim të pjesshëm do të përdoren të gjitha mjetet, duke shtuar se politikat agresive të Perëndimit kundër Rusisë kanë kaluar çdo vijë.
Sipas tij Perëndimi po planifikon shkatërrimin e Rusisë dhe përdorimin e shantazhit përmes armëve nukleare.
Ai theksoi se do të mbështesë referendumet në rajonet e Ukrainës dhe çdo prekje e tyre do të çonte në një përshkallëzim të luftës.
Në deklaratën e tij, Putin akuzoi Kievin se po tërhiqej nga bisedimet e paqes, duke vepruar me urdhër të drejtpërdrejtë nga aleatët perëndimorë.
/f.s
