Presidenti Bajram Begaj ka zhvilluar një takim ditën e sotme me Presidenten Vjosa Osmani, gjatë vizitës që zhvilloi në Prishtinë për 18 vjetorin e Pavarësisë së Kosovës.
Përmes një postimi në rrjetet sociale ku ka ndarë fotografi nga takimi, Presidentja Osmani ka falënderuar Begajn që ka qenë gjithnjë krah Kosovës.
“18-vjetori i Pavarësisë së Kosovës na bëri bashkë me Presidentin e Shqipërisë, Bajram Begaj, në një atmosferë festive.
Faleminderit që jeni gjithnjë pranë Kosovës dhe qytetarëve tanë, Zoti President!”, ka shkruar Osmani.
