Policia e Tiranës ka njoftuar ditën e sotme se ka goditur një rast tentative për kultivim të bimëve narkotike gjatë operacionit të koduar “Vjeshta”.
Në pranga janë vënë L. A., 37 vjeç, si dhe 24-vjeçari me iniciale L. A., të dy banues në fshatin Vakumonë, në Shëngjergj/Tiranë.
Arrestimi i tyre është bërë pasi në bashkëpunim me shtetasin A. M., i cili është ndaluar më parë nga polici, në bashkëpunim dhe me persona të tjerë, në vendin e quajtur “Stani i Varrosit” në fshatin Vakumonë, në Shëngjergj, kanë kultivuar disa bimë kanabis sativa.
Blutë sqarojnë se në këtë ngjarje janë të përfshirë edhe persona të tjerë, por për arsye hetimi nuk bëhen të ditur.
“Po punohet intensivisht për kapjen dhe ndalimin e personave të tjerë të përfshirë në këtë aktivitet kriminal.”,-thuhet ndër të tjera në njoftimin e Policisë së Tiranës.
g.kosovari
