Policia e Gjirokastrës ka vënë në pranga ditën e sotme një shtetas nga Afganistani.
Burime zyrtare nga blutë e Gjirokastër bëjnë me dije se është arrestuar Navid Momen, 29 vjeç, banues në Kabul, pasi gjatë kontrollit të pasagjerëve të autobusit të linjës Athinë – Tiranë, në Kakavijë, ai ka paraqitur një pasaport Lituaneze, e cila dyshohet se është e falsifikuar.
Gjithashtu nga kontrolli i ushtruar, shtetasit nga Afganistani i është gjetur një sasi e vogël lënde narkotike e dyshuar “Cannabis Sativa”.
Në lidhje me ngjarjen, policia ka referuar materialet pranë Prokurorisë së Rrethit Gjyqësor Gjirokastër për veprat penale “Falsifikim i dokumenteve” dhe ” Prodhim dhe shitje e lëndëve narkotike”.
