Balerina e talentuar dhe modelja Megi Ndokaj e cila tashmë është zhvendosur në New York, në një kompani kërcimi, është rikthyer fuqishëm në Shqipëri në programin më të ndjekur dhe të preferuar për të gjithë, “E diela Shqiptare”, në Televizionin Klan. Prej dy vitesh ajo ka qenë pjesë e këtij programi si balerinë dhe më e dashura për publikun shqiptar. Duket se mungesa e saj prej një viti në Televizionin Klan dhe mediat tona është ndjerë edhe nga drejtuesit, krijuesit, admiruesit dhe publiku në tërësi. Duke pritur fillimin e sezonit të ri të kompanisë ku ajo po zhvillon aktivitetin e saj në New York, Megi merr nje ftesë te cilën e mirëpriti me shumë dëshirë nga moderatori dhe artisti i njohur Ardit Gjebrea i cili u shpreh live në emision: “Një rikthim i Megi Ndokaj e cila në historinë e Telebingos Shqiptare ka mbetur dhe është gdhendur në kujtesën e shqiptarëve, të cilën e kërkojnë non stop, ajo sot është super yll dhe shumë e dashur dhe e njohur për ju!”.
