Ministri i Jashtëm i Polonisë, Radosłaë Sikorski, ka vizituar ditën e sotme Shqipërinë.
Ai është pritur në një takim nga Presidenti i Republikës së Shqipërisë, Bajram Begaj, në institucionin e Kreut të Shtetit.
Përmes një njoftimi, Presidenca bën të ditur se kjo vizitë vjen para se Polonia të marrë Presidencën e BE-së në janar të vitit të ardhshëm.
Begaj vlerësoi mbështetjen e vazhdueshme të Polonisë për integrimin në Bashkimin Evropian të të gjitha vendeve të Ballkanit Perëndimor.
Po ashtu, gjatë bashkëbisedimit Presidenti i kërkoi Ministrit të Jashtëm polak mbështetje për rritjen e njohjeve të Kosovës dhe pranim e saj në organizatat rajonale dhe ndërkombëtare.
Njoftimi i Presidencës:
Tiranë, më 19 dhjetor 2024
Presidenti i Republikës së Shqipërisë, Sh. T. Z. Bajram Begaj, mirëpriti në takim Ministrin e Jashtëm, Radosłaë Sikorski, i cili, në cilësinë e detyrës së tij, viziton Shqipërinë.
Kreu i Shtetit vlerësoi marrëdhënien shumë të mira dhe miqësore, si dhe bashkëpunimin në rritje mes Shqipërisë dhe Polonisë në të gjitha fushat me interes të ndërsjellë, duke veçuar ekonominë dhe turizmin.
Gjatë takimit, Presidenti Begaj vlerësoi mbështetjen e vazhdueshme të Polonisë për integrimin në Bashkimin Evropian të të gjitha vendeve të Ballkanit Perëndimor. Ai u shpreh besimplotë se kjo mbështetje do të vazhdojë edhe gjatë Presidencë së BE-së nga ana e Polonisë, duke filluar nga janari 2025, përfshirë hapjen e grup-kapitujve të mbetur të negociatave të vendit tonë me BE-në.
Në bashkëbisedimin e zhvilluar, Presidenti i kërkoi Ministrit të Jashtëm polak mbështetje për rritjen e njohjeve të Kosovës dhe pranim e saj në organizatat rajonale dhe ndërkombëtare.
Jepi drejtim Bake, sidomos në punët e jashtëme.
Shyqyr që të kemi, që tu japësh drejtim këtyre punëve, se këta të qeverisë, vetëm të flënë gjumë dijnë.
Jepi Bake…përpara.