U duk se procesi zgjedhor do të mbyllej pa kontestime, përjashtuar atë të PDIU për mandatin e Tiranës. Partia Demokratike, nuk ka patur asnjë pretendim për procesin, veç qëndrimeve për shitblerje vote.
Por, edhe pse për herë të parë po shkonim drejt çertifikimit të zgjedhjeve pa asnjë ankesë nga opozita, duket se kjo gjë nuk do të ndodhë as në këto zgjedhje.
Tashmë PD ka nisur kontestimet në KQZ. Bëhet fjalë për dy kuti votimi në qarkun e Beratit. Kërkesa është depozituar në KQZ dhe pritet të shqyrtohet. PD pretendon se në tabelat e rezultateve nuk pasqyrohet rezultati real.
Nuk dihet se sa mund të influencojë në rezultatin e përgjithshëm shpallja e pavlefshme e këtyre dy kutive, siç kërkon PD e cila në këtë qark mori vetëm 1 mandat. Kjo kërkesë e PD do të shqyrtohet nga KQZ ditën e mërkurë në orën 18.30./a.m.
