Gjykata e Krimeve të Rënda ka vendosur sot masën e sigurisë “Arrest me burg” për katër autorët e dyshuar për grabitjen e bujshme të bankës në Qafë Kashar.
Në burg do të qëndrojnë Fation Xhyliu, ish-punonjës i policisë private; Ditjon Memlika, ish-efektivi i FA-së; Neim Avdulaj dhe Ernest Kupa. Komunikim i masës ndaj tyre, u bë pasi çështja për grabitjen e parave të bankës i kaloi Gjykatës së Krimeve të Rënda.
Fation Xhyliu besohet se është personi që ka dekonspiruar grupin e grabitësve.
Xhyliu u shpreh i penduar në sallën e gjyqit, duke pranuar grabitjen, por ende nuk dihet nëse ai e ka fituar statusin e bashkëpunëtorit të drejtësisë. Qëndrim pohues ndaj akuzave ka mbajtur edhe Ditjon Memlika, ish-efektiv i FA-së./b.d
