Kryeministri i ri i Kosovës Ramush Haradinaj, zhvillon të mërkurën vizitën e parë jashtë vendit pasi mori detyrën. Vizitën e parë Haradinaj do ta zhvillojë në Shqipëri.
Burime qeveritare bëjnë me dije se në mesditë Haradinaj do të takohet me krerët e shtetit, Presidentin Meta, Kryeministrin, Edi Rama dhe kryetarin e Kuvendit të Shqipërisë, Gramoz Ruçin.
Po ashtu ai pritet të takohet edhe me kryedemokratin Lulzim Basha dhe Sali Berishën. Gjithashtu sipas burimeve ai pritet të takohet edhe me princ Lekën.
Takimin e parë zyrtar jashtë Kosovës e ka realizuar në Shqipëri edhe Ministri i Punëve të Jashtme, Behgjet Pacolli./a.m.
Axhenda zyrtare:
Të mërkurën, dt. 27 shtator 2017, Kryeministri Edi Rama do të mikpresë Kryeministrin e Kosovës, Z. Ramush Haradinaj dhe delegacionin që e shoqëron.
Në orën 10.00 – Ceremonia ushtarake e mirëseardhjes. Pallati i Brigadave
Në orën 10.05 – Takimi i dy kryeministrave dhe ai dypalësh mes delegacioneve
Në orën 11.00 – Takimi inaugural i Komisionit për organizimin e Vitit Mbarëkombëtar të Gjergj Kastriotit – Skënderbeut, nën kryesinë e dy kryeministrave.
Në orën 11.30 – Konferencë për shtyp e dy kryeministrave
