Vizita e fundit e Lulzim Bashës në Uashington zgjoi një interes të madh mediatik dhe politik. Pritej që ajo të sillte përgjigje të rëndësishme për të ardhmen e protestës së opozitës në bulevardin qëndror të Tiranës. Ndërkohë që kjo nuk ndodhi, e ndërsa shumëkush në kryeyqtetin shqiptar pret ende të mësojë detajet e një vizite hermetike dhe pa lajme, duket se po dalin disa detaje të patreguara nga misioni diplomatik i zotit Basha.
Burime të mirëinformuara thonë se Lulzim Basha ka qene i shoqëruar në ShBA nga ish-drejtori i hipotekës Arben Qirjako. Zoti Qirjako është me origjinë nga Bregdeti, me një familje që njihet për ndjenja filogreke. Thuhet se ky person ka qenë një pikë kontakti e besimi pranë një kongresmeni republikan të Nju Jorkut.
Jo vetëm kaq. Flitet se Qirjako ka qenë edhe personi që ka organizuar pjesëmarrjen e Bashës në darken e shtruar nga republikani me origjinë greke, që ka mbeshtetur Bashën edhe më herët, për çeshtjen e grekëve në Himare dhe më parë, për Marrëveshjen e Detit.
