Për deputetin socialist Blendi Klosi, Partia Socialiste vjen në garën për mandatin e katërt e transformuar me të rinj dhe të reja.
Sipas Klosit, vizioni i tyre është Shqipëria 2030 dhe se PS garon me opozitën jo me veten.
“PS vjen në këtë garë e freskët për të marrë mëndatib e katërt, m,e detyra të realizuara, me objektiva të tejkaluar. E gatshme të paraqitet te qytetarët me premtimin për anëtarësimin në BE. Do të paraqesim programin e partisë për vitin 2030, çfarë kemi bërë dhe çfarë premtojmë të bëjmë.
PS vjen pas një përpjekje për ta riformuar, për të bërë harmonizmin e brezave. Në grup parlamentar kemi disa gjenerata dhe realizojmë së bashku jetën parlamentare. Nuk e kemi menduar që sapo mbaruam zgjedhjet e 2023, nevoja për të pranuar element të rinj ka qenë e nevojshme në PS. Pas zgjedhjeve ne u hapëm dhe ndryshuam drejtuesit politikë. Në 2024 u morëm me rienergjizimin e PS, zgjodhëm kryetarë të rinjë, delegatët e kongresit ku 95 % janë njerëz të rinj.
Në Asamblenë kombëtare mbi 90 % janë djem dhe vajza që nuk kanë qenë më parë në asamble. Kampi tjetër ka po të njëjtin administrator që në qeverisjen e ‘90tës. Ne garojmë me opozitën, jo me veten.”
Klosi nënvizoi se askujt nuk i pengohet e drejta për të kandiduar, duke nënvizuar se sa kohë nuk janë shpallur fajtor, s’mund të ndalohet kjo e drejtë.
“Sa kohë nuk janë të dënuar askush nuk i pengohet drejta për të kandiduar. Kur të shpallen fajtor nga gjykata do të ketë një vendim të fundit. Parimi është sa kohë nuk ka një vendim të fundëm gjykatë, ata kanë të drejta. Nuk ka një filtër të thotë që meqë ka një çështje të hapur…Unë po them parimin. Me mijëra janë njerëzit që kanë firmosur, dhe të gjithë janë në gjykim, qoftë nga kontrolli i brendshëm, kontrolli i lartë.”, tha ai.
