Autoritetet vietnameze njoftuan për qindra të vdekur nga aksidentet rrugore gjatë festimeve nëntëditore të Vitit të Ri Hënor, thanë sot burime të ndryshme.
”Mes datave 6 dhe 14 shkurt Komiteti Kombëtar për Sigurinë në Trafik regjistroi 408 aksidente me pasojë vdekjen e 300 personave dhe plagosjen e 380 të tjerëve gjatë këtij sezoni festimesh”, njoftoi televizioni Tuoi Tre News.
Ai shtoi se gjatë festimeve, të paktën 90 milionë persona udhëtuan drejt të afërmve të tyre.
Megjithatë, ky numër vdekjesh ishte më i ulët nga ai i regjistruar vitin e kaluar, ku ndodhën 317 të tilla.
Shkaku kryesor i këtyre aksidenteve, sipas autoriteteve, është përdorimi i tepruar i pijeve alkoolike.
