Një ngjarje e rëndë është regjistruar natën që lamë pas në Tiranë. Një 34 vjeçar ka qëlluar me thikë kunatin e tij, duke marrë jetën.
Krimi u regjistrua rreth orës 03:45 të mëngjesit të sotëm, në rrugën “5 Maji” në kryeqytet.
Policia thotë se ngjarja ka ndodhur për shkak të një konflikti të çastit. Viktima është qëlluar në pjesën e qafë, plagë e cila ka qenë fatale për të.
Plagosi me thikë me pasojë vdekjen kunatin e tij, vihet në pranga nga sherbimet e Policisë autori i dyshuar i ngjarjes.
Njoftimi:
Rreth orës 03:45 të mëngjesit të sotëm, në rrugën “5 Maji” pas një konflikti të çastit, për motive të dobëta shtetasi K.Sh., 34 vjeç, në gjendje të dehur ka goditur me thikë në qafë kunatin e tij shtetasin V.Z., 42 vjeç, i cili si pasojë e plagës së marrë ka ndërruar jetë në spital.
Sherbimet e Policisë kanë shkuar menjeherë në vendngjarje ku kanë bërë të mundur identifikimin, kapjen dhe arrestimin e autorit.
Nën drejtimin e Prokurorisë vijon puna për zbardhjen e plotë të rrethanave të ngjarjes.
