Viti 2022 shënon rekord në Evropë për temperaturat më të larta të regjistruara ndonjëherë. Sipas raportit të fundit të Organizatës Botërore Meteorologjike, në kontinentin e vjetër temperaturat janë rritur mesatarisht me 2.3 gradë Celcius në krahasim me periudhën pre-industriale, 1850-1900.
Ndërsa në krahasim me vitin 1980 temperaturat janë dyfishuar në krahasim me mesataren botërore. Sipas raportit, në vitin 2022, dëmet meteorologjike, klimatike dhe hidrike kanë prekur direkt 156 mijë persona dhe kanë provokuar vdekjen e rreth 17 mijë personave, vetëm si pasojë e rrymave të nxehta. Ndërsa nga viti 1980 numri i personave që kanë humbur jetën si pasojë e krizës klimatike rezulton të jetë 195 mijë njerëz.
Ndërsa mesatarja globale e ngritjes së temperaturës është 1.5 gradë Celcius në krahasim me të njëjtën periudhë pre-industriale.
Sipas marrëveshjes së Parisit, parashikohet që ngrohja globale të qëndrojë poshtë nivelit +2 gradë Celcius.
/a.r
