Njerëzit të cilët kanë stil aktiv të jetës janë zakonisht cak i reklamave të cilat proklamojnë nevojën për shtesa me vitamina dhe minerale.
Këto reklama supozojnë se atletët, duke filluar nga garuesit ndërkombëtar deri tek pjesëmarrësit në aktivitete rekreative, janë në rrezik për të zhvilluar deficit nutricional dhe si pasojë dobësim të performancës dhe shëndetit. Analizat me sportist mbështesin suksesin e këtyre reklamave; përhapja e përdorimit të vitaminave dhe mineraleve ka shtrirje të gjerë.
Përllogaritjet tregojnë se më shumë se 50% e sportisteve femra në SHBA dhe 40% të sportistëve meshkuj konsumojnë rregullisht shtesa me vitamina dhe minerale. Konsumi i vitaminave dhe mineraleve nuk është i limituar vetëm tek sportistët; një vrojtim nga National Health and Nutrition Examination Survey tregon se një pjesë prej 25% femra dhe 16% meshkuj gëlltisin vitamina dhe minerale në baza ditore. Ithtarët e konsumimit të vitaminave dhe mineraleve sugjerojnë se konsumimi ditor i këtyre shtesave përmirëson performancën dhe ofron një burim të energjisë si dhe parandalon sëmundjet dhe lëndimet.
Evidenca shkencore për t’i mbështetur këto pohime mungon.
Aktiviteti fizik mund ta rrisë nevojën për pak vitamina dhe minerale. Sido që të jetë, kërkesa e nevojshme zakonisht mund të arrihet duke konsumuar një dietë të balancuar me shumëllojshmëri të ushqimeve. Individët të cilët janë në rrezik për marrje të mangët të vitaminave dhe mineraleve janë ata të cilët konsumojnë dietë të ulët në energji për periudha të gjata kohore. Megjithëse vitaminat dhe mineralet mund ta përmirësojnë statusin individual të ushqyeshmërisë tek individët të cilët i konsumojnë ato me bollëk, nuk ekziston asnjë evidencë shkencore që mbështet faktin që konsumimi i përgjithshëm këtyre shtesave mund ta përmirësojë performancën.
Kujdes të shtuar duhet të kemi vetëm në rastet e shtatzënisë dhe tek personat me probleme të tjera mjekësore të cilët janë të udhëzuar të rrisin përdorimin e vitaminave dhe mineraleve.
Hani shëndetshëm! Harroni shpenzimet e kota në shtesa me vitamina dhe minerale.
Express
