Vitamina D rregullon aftësinë juaj për të luftuar infeksionet dhe pezmatimet kronike. Gjithashtu prodhon mbi 200 peptide antimikrobë, më i rëndësishmi prej të cilëve është kathelicidin, një antibiotik i spektrit të gjerë që ndodh në mënyrë të natyrshme.
Kjo është njëra nga arsye pse Vitamina D është aq efektive kundër ftohjes dhe gripit.
Sipas një shkrimi të Janarit 2013 të bërë nga Orthomolecular Medicine, ekzistojnë 33,800 dokumente mjekësore me vitaminën D si titull apo abstrakt të tyre, dhe ky mal i vërtetueshëm me hulumtime tregon se vitamina D ka dobi të tepërta si për shëndetin fizik ashtu edhe atë mendor.
Hulumtimet e tilla kanë treguar se vitamina D mund të përmirësojë:
Shtatzëninë (zvogëlon rrezikun e lindjes me prerje cezariane dhe pre-eklampsisë*)
Diabetin e Tipit 1 dhe 2
Sëmundjen e Zemrës dhe Goditjen (Pikën në tru)
Autizmi, Alzheimerin dhe çrregullimet tjera të trurit
Mbrojtjen nga Infeksionet Bakteriale dhe Virozë
Në disa hulumtime suplementimi me Vitaminë D është zbuluar të zvogëlojë si depresionin ashtu edhe dhembjet tek diabetikët. Ashtu si është raportuar nga PsychCenteral:
“Hetuesit ishin vënë pas punës për të përcaktuar se si suplementimi me Vitaminë D mund të ndikoje tek grat eme diabet të tipit 2 të cilat gjithashtu vuanin edhe nga depresioni. Në fillim të studimit, 61 për qind e grave raportuan dhembje neuropatike, dhembje si ato dhembjet e goditjes dhe djegie në këmbë dhe shputa, dhe 74 përqind kishin dhembje sensore, si mpirje dhe ndjenja e shpimit me gjilpëra në duart e tyre, gishtat dhe këmbë që shoqërojnë mpirjet.
Gjatë periudhës së këtij studimi, pjesëmarrësit kishin marrë suplementar me 50,000 UI vitaminë D çdo javë për 6 muaj me radhë. Me përfundimin e studimit, niveli i depresionit tek gratë ishte përmirësuar dukshëm me anë të këtij suplementimi.
Pjesëmarrësit që në fillim të këtij studimi vuanin nga dhembjet neuropatike kishin raportuar se këto simptoma ishin zvogëluar në muajin e 3 dhe 6 me anë të suplementimit me vitaminë D2.”
Sipas hulumtuesit Todd Doyle, Ph.D., suplementimi me Vitaminë D “është një trajtim premtues si për dhembjet ashtu edhe për depresionin tek ata që vuajnë nga diabeti tipit 2.”
Sidoqoftë, do doja të shtoja se rezultate akoma më të mira do arriheshin duke përdorë vitaminë D3 në vend të D2-it. Në fakt, hulumtimet e mëparshme sugjerojnë se vitamina D2 mund të bëj më shumë dëm se sa mirë për një periudhë ma të gjatë.
