“Të martën, rreth orës 09:00, është arrestuar sërish kryetari i Lëvizjes VETËVENDOSJE!, Visar Ymeri, kanë thënë burime të VV.
Liderin i Lëvizjes Vetëvendosje, Visar Ymeri është shoqëruar nga policia për seancën gjyqësore me rastin e përleshjes me Bekim Haxhiun, i njohur si Kamishi, raporton Koha Ditore. Visar Ymeri, deputeti Rexhep Selimi e ish-deputeti, Florin Krasniqi, si dhe shoferi, Besart Bujupi akuzohen se kanë sulmuar fizikisht deputetin e PDK-së, Bekim Haxhiu, të njohur si Kamishi, në vitin 2012 para objektit të Kuvendit.
Shoqërimin e Ymerit nga policia në gjykatë e ka konfirmuar edhe Lëvizja Vetëvendosje.
Ymeri kishte ftesë nga Gjykata Themelore e Prishtinës për këtë proces, por ai nuk i ishte përgjigjur.
Seanca tashmë ka filluar dhe pritet të jepet fjala e fundit. Prezent në këtë seancë është edhe Rexhep Selimi. Nga Gjykata gazetarja e “Kohës Ditore” raporton se Rexhep Selimi dhe Visar Ymeri kanë kërkuar të shfaqet xhirimi i ngjarjes para Kuvendit, për të cilën ata akuzohen.
