Hillary Clinton ka deklaruar se ajo ka marrë përgjegjësinë pas një sulmi në konsullatën amerikane në Libi më 2012, që rezultoi me vrasjen e katër amerikanëve.
Ajo i rrëfeu një komisioni parlamentar se si Sekretare e Shtetit ajo paraqiti reforma për mbrojtjen e stafit diplomatik pas sulmit.
Kryetari i komisionit, Trey Gowdy tha: “Ne u detyrohemi (viktimave) të vërtetën”.
Partia e zonjës Clinton deklaron se paneli i drejtuar nga republikanët është një gjueti shtrigash që përpiqet të dëmtojë fushatën e saj presidenciale.
Në deklaratën e hapjes, Clinton tha se i kishte kërkuar njërit prej katër të vrarëve, Chris Stevens, të shkonte në Libi si i dërguar i SHBA.
“Pas sulmit, qëndrova pranë presidentit Obama teksa marinsit mbanin arkivolin. E pranova përgjegjësinë dhe si pasojë e asaj që ndodhi, para se të largohesha, nisa reforma për të mbrojtur vogëluar sa të ishte e mundur mundësinë e tragjedive në të ardhmen”.
Clinton tha se prania para komisionit ishte mënyra e saj për të nderuar jetët e humbura dhe u bëri thirrje të pranishmëve të vinin sigurinë kombëtare mbi politikat partizane.
