Para disa ditësh qyteti i Durrësit u trondit nga ekzekutimi i dyfishtë i vëllezërve Haxhija. Arrestimi i Altin Ndocit dhe Klevis Allës së Durrës, si të dyshuar për vrasjen e vëllezërve Haxhia, ka bërë që prokurorët të kenë në dorë materiale që mund të lidhen me ngjarje të tjera kriminale që kanë ndodhur në vend vitet e fundit.
Burime nga grupi hetimor bëjnë me dije se vrasja e vëllezërve Haxhija mund të mos ketë ndodhur për drogë, as për borxhe, por për shkak të grabitjes së Rinasit.
Ka dyshime se vëllezërit Haxhia kanë strehuar njërin prej personave që ka kryer grabitjen në Rinas.
Vëllezërit Haxhia dyshohet se kishin dijeni për vendin ku ishin fshehur paratë dhe vrasja ka ardhur pikërisht për paratë e grabitura në Rinas, thonë burime nga grupi hetimor.
Nga dëshmia e të penduarit Klevis Alla, hetimi ka zbuluar edhe lidhjen mes dy ngjarjeve, por deri më tani të dhënat që ka në dorë prokuroria po mbahen sekret.
Klevis Alla ka treguar se grupi që ai bënte pjesë është i përfshirë edhe në 4 ngjarje të tjera kriminale, duke përfshirë edhe vrasjen e Dorian Shkozës.
Besmir dhe Viktor Haxhija u ekzekutuan pak ditë më parë në Durrës.
g.kosovari
