Zyrtarët ukrainas kanë deklaruar se 103 fëmijë ukrainas kanë rënë viktima të luftës që preh hyrjes së ushtrisë ruse në vend.
Forcat ruse kanë shenjëstruar më shumë se 400 shkolla dhe 59 prej tyre janë shkatërruar, tha prokurorja e përgjithshme Iryna Venediktova.
Sot ukrainas është zgjuar në ditën e 21 të luftës, me raundin e katërt të negociatave për paqen që ka bërë disa përparime pozitive.
Nëse pushtimi i paprovokuar i Ukrainës nga Rusia do të vazhdojë edhe më gjatë, pothuajse 30 për qind e popullsisë prej 44 milionë banorësh, mund të bie në varfëri të skajshme, kurse mbi 60 për qind rrezikon të varfërohet brenda një viti, vlerëson Programi për Zhvillim i Kombeve të Bashkuara (UNDP), në një projeksion të hershëm të publikuar më 16 mars.
UNDP citon vlerësimin e qeverisë ukrainase se lufta deri më tani ka shkaktuar një humbje prej të paktën 100 miliardë dollarësh të infrastrukturës kryesore si rrugët, urat dhe spitalet, dhe ka shkaktuar mbylljen e të paktën gjysmës së bizneseve të Ukrainës, ndërsa gjysma tjetër funksionon nën kapacitete.
“Lufta në Ukrainë po shkakton vuajtje të paimagjinueshme të njerëzve me humbje tragjike të jetës dhe zhvendosjen e miliona njerëzve. Ndërsa nevoja për ndihmë të menjëhershme humanitare për ukrainasit është e një rëndësie të madhe, ndikimet akute të zhvillimit të një lufte të zgjatur po bëhen tani më të dukshme”, tha Achim Steiner nga UNDP.
g.kosovari
