Ndërkohë që opozita proteston para Kuvendit, dy kandidatë të tjerë, pjesë e listave shumëemërore të PD dhe LSI kanë devijuar nga vendimi i grupeve dhe kanë vendosur të pranojnë mandatin e deputetit.
Bëhet fjalë për Ambra Borova, e treta në listën e kandidatëve për deputetë të LSI në Shkodër. Borova pritet të zëvendësojë ish-deputetin Agron Çela.
Ndërkohë që nga Partia Demokratike, mandatin e ka pranuar Arben Elezi, i Elbasanit.
Të dy këta kandidatë kanë dorëzuar formularin e dekriminalizimit në Komisionin Qendor të Zgjedhjeve, çka i hap rrugë marrjes së mandateve si ligjvënës.
Me dy prurjet e reja në Kuvend, numri i deputetëve shkon në 99.
