Policia Rrugore vijoi kontrollet në rrugën Tiranë-Durrës, për të parandaluar aksidentet rrugore të shkaktuara si pasojë e shpejtësisë tej normave të lejuara.
Sipas një njoftimi të Policisë së Shtetit, prej orës 20.00 të mbrëmjes së djeshme e deri ne orën 01.00 të mëngjesit të sotëm janë konstatuar 11 raste të tejkalimit të shpejtësisë deri në dyfish mbi normën e lejuar.
Në kushte të lagështirës, sipas Policisë Rrusore, shpejtësi që variojnë nga 152 km/h deri në 172 km/h, kthehen në rrezik potencial për sigurinë e jetës.
“Mos fluturo, por qarkullo me shpejtësi brenda limiteve të lejuara se në rastin më të mirë ju pret Policia Rrugore, e në rastin më të keq aksidenti”, thuhet në apelin që Policia u bën drejtuesve të mjeteve.
/a.r
