Presidenti i Këshillit Evropian , Donald Tusk u shpreh sot se faza e ardhshme e negociatave të Brexit do të ishte ”një sprovë e vërtetë” për unitetin e BE-së, në nisje të samitit evropian në Bruksel.
“Nuk dyshoj për asnjë moment se testi i vërtetë për unitetin tonë do të jetë faza e dytë e negociatave të Brexit”, deklaroi Tusk, ndërsa liderët e 27 vendeve anëtare, përveç Britanisë së Madhe, duhet t’i hapin sot dritën jeshile negociatave për një periudhë tranzicioni pas largimit të saj nga BE, më pas për fillimin e një marrëveshje tregtare me Londrën.
“Ky samit tregon qartësisht që mund të përfundojmë me sukses detyrat më të vështira nëse jemi të bashkuar”, theksoi ai.
Faza e parë e negociatave, mbi kushtet e divorcit, si gjithë puna e brendshme prej një viti për arritjen e një bashkëpunimi ushtarak të pashembullt mes 25 shteteve anëtare të BE që do të festohet me një ceremoni në hapjen e takimit, kërkuan kurajë, realizën por mbi të gjitha unitetin tonë, tha Tusk./b.d
