Efektivët e policisë së kryeqytetit kanë arrestuar këtë të mërkurë dy persona, të cilët vidhnin me dhunë në rrugë qytetarët e Tiranës.
Bëhet fjalë për shtetasit Lutfi Marku, 34 vjeç dhe Urim Gjoka. 38 vjeç.
Të dy të rinjtë janë banues në Tiranë dhe u arrestuan në flagrancë teksa po i vidhnin një telefon celular shtetases 59 vjeçare me inicialet A.M.
Gjithashtu, Policia thotë se Marku dhe Gjoka dyshohet se kanë kryer edhe 5 vjedhje të tjera, të dokumentuara nga Policia.
Më datë 04.03.2016, në rrugën “Petro Nini Luarasi”, në mjetin tip “Mercedes Benz”, në pronësi të shtetases V. F., kanë vjedhur një shumë monetare dhe një telefonin.
Më datë 25.03.2016, në rrugën “Ali Demi”, shtetases Z. N., i kanë vjedhur telefonin.
Më datë 25.03.2016, në rrugën “Ali Demi”, shtetases B. O., i kanë vjedhur telefonin.
Më datë 31.03.2016, tek Piramida, shtetasit K. S., i kanë vjedhur telefonin.
Më datë 18.05.2016, në rrugën e “Elbasanit”, shtetasit M. G., i kanë vjedhur telefonin.
Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale “Vjedhje e kryer në bashkëpunim”, parashikuar nga Neni 134 e 22, i Kodit Penal. Java/ a.k