1 person është arrestuar për vjedhje me dhunë ndaj 11 emigrantëve të huaj që kishin hyrë ilegalisht në Shqipëri nga Greqia përmes kufirit të gjelbër.
Rasti është shënuar në Gjirokastër, ku A.O. 21 vjeç në bashkëpunim me disa persona të tjerë, kishin marrë 11 emigrantët nga vendet e Lindjes së Mesme të cilëve u kishin premtuar se do t’i transportonin drejt Tiranës.
Por në aksin Gjirokastër-Tepelenë pranë fshatit Mashkullorë, ata nxorrën nga automjetet 11 emigrantët dhe iu vodhën me dhunë paratë, celularët dhe sende të tjera personale.
Policia identifikoi dhe arrestoi 21-vjeçarin si një nga autorët, ndërsa vijon hetimi për të identifikuar personat e tjerë të përfshirë.
Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
/a.r
