Një “mik” i supozuar i aktorit të ndjerë Paul Walker, ka vjedhur 7 prej makinave të tij. Ai u shfaq 24 orë pas ndarjes nga jeta e aktorit, me emrin Richard Taylor.
Ky i fundit ndihmoi Walker për disa vite me radhë të koleksionojë makina. Por, sipas familjarëve, të cituar nga The Huffington Post, Taylor i ka vjedhur makinat me pretendimin për t’i ruajtur ato në një vend më të sigurt.
“Miku” i aktorit të ndjerë, ka marrë 7 prej mjeteve të tij nga garazhi, duke i fshehur në një vend të panjohur, por sipas babait të Paul, William Walker, miku i supozuar i djalit të tij, i ka vjedhur ato.
Për këtë arsye William ka ngritur një padi kundër Richard Taylor, duke deklaruar në dokumentat ligjorë se ai i ka marrë qëllimisht makinat, ka mashtruar dhe ka fshehur vendndodhjen e mjeteve, për t’i bërë ato pas një kohe, të tijat.
