Hetimet ndaj ish-kryebashkiakut të Dibrës Shukri Xhelili për videoskandalin ku ai i ofronte punë një 20-vjeçareje kundrejt favoreve seksuale do të vijojnë me izolimin e tij në burg.
Ky ishte vendimi i dhënë nga Gjykata e cila caktoi masën e sigurisë “arrest me burg” ndaj Xhelilit.
Ai u procedua në gjendje të lirë nga policia, por prokuroria kërkoi në gjykatë izolimin në burg të Xhelilit.
Xhelili akuzohet për “korrupsion pasiv” në këmbim të favoreve seksuale.
Pas vendimit mësohet se policia ka zbatuar vendimin e gjykatës dhe ka shoqëruar në qeli Shukri Xhelilin.
Njoftimi i policisë pas shoqërimit të Xhelilit:
Më datë 16 Prill 2016, rreth orës 19 e 45, Drejtoria për Hetimin e Krimit Ekonomik e Financiar nëpërmjet Sektorit për Hetimin e Korrupsionit në ekzekutim të vendimit nr 99 datë 16.05.2016 të Gjykatës Shkallës së parë për Krimet e Rënda, ekzekutoj masën e sigurisë “Arrest ne burg” për shtetasin Shukri Xhelili,56 vjeç, si i dyshuar për veprën penale ” Korrupsioni pasiv të funksionarëve të lartë shtetëror ose të zgjedhurve vendorë”, parashikuar nga neni 260 i KP, në kuadër të procedimit penal nr 100 të vitit 2016 rregjistruar në Prokurorinë pranë Gjykatës së Shkallës së Parë për Krimet e Rënda.
Kapja dhe ndalimi i tij u bë në Tiranë nga Strukturat e Drejtorisë për Krimin Ekonomik e Financiar në Policinë e Shtetit.
Ne bashkepunim me strukturat e Drejtorise Vendore Diber.
/a.m.
