Gjatë ditës së sotme Policia Kufitare në Vlorë goditi një tjetër rast të trafikimit me rrugë detare të lëndëve narkotike.
Si pasojë u sekuestrua një sasi prej 380 kg lëndë narkotike Cannabis Sativa, e fshehur rreth 20 metra larg bregut të detit në Akërrni.
Gjithashtu u sekuestrua edhe një mjet lundrues “Skaf”, i fshehur në anë të lumit Vjosë, në Novoselë të Vlorës.
Policia bën me dije se u gjetën 19 pako me një sasi rreth 380 kg lëndë narkotike Cannabis Sativa.
Pakot me lëndë narkotike u gjetën të fshehura në shkurre rreth 20 m nga bregu i detit.
Në vazhdim të operacionit ku në zonën e Hidrovorit u kap një sasi lënde narkotike për tu trafikuar drejt Italisë, shërbimet e Drejtorisë Vendore të Kufirit dhe Migracionit Vlorë, bënë të mundur kapjen e një skafi ngjyrë bardhë e blu, me një motorr “Mercury 200hp”, i fshehur në anë të lumit Vjosë, pranë fshatit Bishan, Novoselë, Vlorë.
Mjeti po bëhej gati për të trafikuar lëndën narkotike.
Për transportimin e sasisë dhe mjetit lundrues u bashkëpunua me GdF
Ndërkohë Specialistët e Sektorit për Narkotikët në D.V.P Vlorë po vijojnë kryerjen e veprimeve hetimore.
Operacioni po vazhdon për kapjen e autorëve.
c.a
