Në parlament ka edhe momente kur deputetët lirohen nga kostumi zyrtar dhe kanë kohë të shkëmbejnë edhe përshëndetje apo biseda me njeri-tjetrin.
Kështu, pavarësisht se javën që kaloi Kuvendu u mblodh për një seancë të jashtëzakonshme, ku u votua vettingu, emisioni “Kjo javë” në “News 24” ka sjellë disa momente pikante, mes humorit dhe batutave.
I tillë është dhe momenti kur kryeministri Edi Rama flet nga vendi dhe i drejtohet ish-liderit të PD-së, Sali Berisha, i cili pas gati 3 muajsh bojkot u rikthye në Kuvend bashkë me kolegët e tjerë demokrat, për të votuar vettingun.
“Më shumë më shijon vota e Saliut për qeverinë time, edhe e Jozefinës. Skë çbën Jozefinë, të erdhi dhe kjo ditë të votosh për mua”, pohon kryeministri mes të qeshurash.
Në kontekstin e humorit është dhe deklarata e Kreshnik Spahiut, i cili pas takimit me Bashën paralajmëroi dalje nga politika nëse lideri i PD-së nuk e fuste në listën e kandidatëve për deputetë. //Balkanweb//
0 0 0 0 0
