Gjatë një operacioni të zhvilluar mesnatën e kaluar në lokalet e natës, policia e Durrësit ka shoqëruar 16 balerina dhe 25 persona të tjerë, kryesisht të rinj.
Qëllimi i kontrolleve të klubeve të natës ka qënë arrestimi i personave me precedent penal që janë në kërkim.
Ky aksion i Policisë është shtrirë në gjithë territorin e qarkut, ku janë kontrolluar 120 makina, 7 lokale që përdoreshin për tallava dhe u ngritën disa pika kontrolli.
Gjatë kontrollit të ushtruar, disa prej drejtuesve të këtyre automjeteve janë arrestuar për shkelje të Kodit Rrugor. Sakaq janë arrestuar 2 persona të shpallur në kërkim si dhe grabitësi i një supermarketi./a.ç
