Publikohet një video e rrallë e arrestimit të kreut të bandës së Vlorës Zani Çaushi. Video është realizuar me 28 shtator të vitit 1997 nga “Associated Press” dhe tregon momentin e parë të arrestimit të kapobandës së Vlorës me akuzën e armëmbatjes pa leje.
Në gjykatë ai u shfaq gjatë gjithë kohës i qeshur dhe indiferent ndaj akuzave për të cilat e akuzonte Prokuroria e kohës.
Ndërkohë që siç dëgjohet edhe nga video, në përfundim të seancës gjyqësore ku iu dha masa e sigurisë “arrest me burg”, Zani Çaushi tallet me një efektiv në momentin që shoqërohet për në furgonin e policisë duke iu drejtuar me fjalët: “Leri gazetarët të filmojnë o shpirti”. (momenti 01:49 në video)
Kujtojmë se pas këtij ndalimi, Zani Çaushi do të arrestohej sërish nga Policia në vitin 1998, bashkë me anëtarët e tjerë të bandës por për mungesë provash do rifitonte lirinë. E kjo deri në vitin 1999, kur u arrestua sërish dhe u dënua me burgim të përjetshëm.
a.ç
