Tedi Blushi ka nisur të recitojë si kryetari i tij, Ilir Meta. Teksa ka zhvilluar një takim në Korçë, Blushi ka ndarë edhe një video teksa reciton “Lumja t’i moj Korça lule, që le pas shoqet e tua, si trimi në ballë u sule ta paçim përjetë hua”.
Blushi është një nga të besuarit e Ilir Metës, ndërsa ai e ka propozuar edhe si sekretarin e Përgjithshëm të Partisë së Lirisë.
Mes rreshtave, edhe Blushi shkruan se nuk i pranojnë tradhtarët, akuza këto që janë interpretuar se i drejtohen grupit të Kryemadhit.
“Lumja t’i moj Korça lule, që le pas shoqet e tua, si trimi në ballë u sule ta paçim përjetë hua” Sonte në qytetin tim të lindjes, në Korçën e Rilindjes së vërtetë, të dijes, kulturës, arsimit, patriotizmit dhe vlerave kombëtare, që gjithmonë ka prirë në betejat për Liri.
Sepse siç e thotë aq bukur Markeli: “Që kur kemi lerë, as jemi shitur, as jemi blerë”. Korça ka në zemër Shqipërinë. Nuk e pranon dot tradhtinë, pabesinë, mashtrimin dhe intrigat ndaj Atdheut!
Me delegatët e Korçës që vrapojnë zjarr drejt Konventës Kombëtare historike të 27 Prillit dhe që mezi presin të votojnë për 5 prioritetet kryesore për 4 milion shqiptarë plus”, shkruan Blushi.
/a.r
