Një adoleshente shqiptare ka tentuar t’i japë fund jetës, pasi e kanë përjashtuar nga shkolla. Ngjarja ka ndodhur në Greqi, ndërsa 15-vjeçarja kishte kaluar në depresion, pasi ishte përjashtuar nga shkolla.
Ajo është filmuar teksa me çantën e shkollës është ngjitur në një lartësi, nga e cila ka tentuar edhe të hidhet për t’i dhënë fund jetës. Sipas mediave greke, 15-vjeçarja nga Shqipëria tentoi vetëvrasjen pasi ishte përjashtuar nga shkolla, për shkak të një sherri me disa nxënës të tjerë.
Mendohet se shokët e saj e ngacmonin adoleshenten shqiptare derisa ajo arriti në një gjendje depresive. Pas negociatave me policinë, adoleshentja shqiptare ka zbritur nga lartësia ku kishte hipur, ndërsa autoritetet policore po vijojnë hetimet për zbardhjen e plotë të ngjarjes.
https://www.youtube.com/watch?v=IC-toSEq880